اسلام آباد یونائیٹڈ کے کپتان مصباح الحق نے انتہائی شاندار جیت کی ایسی وجہ بتا دی کہ آپ بھی کہیں گے ’سینئر پلیئر سینئر ہو تاہے ‘

شارجہ اسلام آباد یونائیٹڈ کے کپتان مصباح الحق نے کہاہے کہ کوشش ہوتی ہے کہ پریشر میں بھی اچھا کھیلیں اور تمام کھلاڑی ہر ڈپارٹمنٹ میں چھوٹے چھوٹے ٹارگٹ حاصل کریں اور آج بھی تمام نے وہ ٹارگٹس حاصل کیے ۔
تفصیلات کے مطابق مصباح الحق کا کہناتھا کہ تمام کھلاڑیوں نے اچھی کارکردگی دکھائی ہے اور اپنے اپنے حلقے میں چھوٹے چھوٹے ٹارگٹ حاصل کررہے ہیں اور اسی کی وجہ سے ٹیم کو کامیابی مل رہی ہے ۔ان کا کہناتھا کہ پلے آف کیلئے بھرپورانرجی باقی ہے ،کوشش یہ کرنی ہے کہ ہر گیم میں پورا زور لگا دیں کیونکہ اگر تسلسل خراب ہو جائے تو اسے واپس حاصل کرنا بہت مشکل ہو جاتاہے ۔رمیز راجہ نے مصباح الحق سے پوچھا کہ آپ آج کل بیٹنگ میں عید کا چاند بنے ہوئے ہیں اس کی کیا وجہ ہے ۔اس پر اسلام آباد یونائیٹڈ کے کپتان نے جواب دیتے ہوئے کہا کہ باقی تمام لوگ بہت اچھا کھیل رہے ہیں اور کوشش ہوتی ہے کہ جو اچھا پر فارم کررہاہے وہی میدان میں آئے ۔

Comments

comments

Leave a Comment